ئەمریکا پابەندیی خۆی بۆ پاڵپشتیکردنی پێشمەرگە دووپاتدەکاتەوە
ئەلینا رۆمانۆوسکی باڵیۆزی ئەمریکا لە عێراق رایگەیاند: پابەندین بە هاوکاریکردنی هێزەکانی پێشمەرگە بۆ تێکشکاندن و سەرکوتکردنی داعش.
لە راگەیەندراوێکدا لە تۆڕی کۆمەڵایەتی ئێکس، ئەلینا رۆمانۆوسکی باڵیۆزی ئەمریکا لە عێراق ڕاشیگەیاند، دڵخۆشە بەگەیاندنی کاروانێکی دیکەی هاوکارییەکانی ئەمریکا بە هێزەکانی پێشمەرگە، چونکە ئەمریکا پابەندە بە بەهێزکردنی توانای هێزەکانی پێشمەرگە و هێزە ئەمنییەکانی عێراق بۆ دڵنیابوونەوە لە تێکشکاندنی هەمیشەیی داعش بەسەرکردایەتی عێراقییەکان.
ئەلینا رۆمانۆوسکی گوتی:دڵخۆشم بە گەیشتنی کاروانێکی نوێی هاوکاریی سەربازیی لەلایەن ئەمریکاوە بۆ وەزارەتی پێشمەرگە. ئێمە پابەندین بە بەهێزکردنی تواناکانی هێزەکانی پێشمەرگە و هێزە عێراقییەکان بۆ دڵنیابوونەوە لە تێکشکاندنی تەواوەتی داعش بەسەرپەرشتی خودی عێراقییەکان.