به‌ بڕی 11 ملیۆن دۆلار خشڵ و زێڕ له‌ كیم كارداشیان ده‌دزرێت

K24 - هه‌ولێر:

پۆلیسی فەرەنسا رایگەیاند، پێنج چەکدارى نه‌ناسراوه‌، هه‌ڵیانكوتاوه‌ته‌ سه‌ر ژووره‌كه‌ کیم کارداشیان له‌و هۆتێله‌ی كه‌ لە پاریس لێی ماوه‌ته‌وه‌, لە ژێر هەڕەشەی چەك, رێژەیەکی زۆری خشڵ و زێڕ و زیویان لێ دزیوە.

به‌ گوێره‌ی راپۆرته‌ هه‌واڵه‌كان، ئه‌و سندووقه‌ خشڵ و زێڕه‌ی كه‌ له‌ كارداشیان دزراوه‌، باسی 6.5 ملیۆن دۆلاره‌ و له‌گه‌ڵ ئه‌نگوستیله‌یه‌كی ئه‌ڵماسی گرانبه‌ها، كه‌ نرخه‌كه‌ی به‌ 4.5 ملیۆن دۆلار مه‌زه‌نده‌ ده‌كرێت.

دواى رووداوه‌كه‌ش، چه‌كداران به‌ پایسكیل شوێنه‌كه‌یان جێهێشتووه‌ و تا ئێستاش هیچ زانیارییه‌ك له‌ باره‌ی ئه‌نجامده‌رانی دزییه‌كه‌ ئاشكرا نه‌كراوه‌.

گوته‌بێژی پۆلیسی پاریس رایگه‌یاند، ژماره‌ی ئه‌و كه‌سانه‌ی كرده‌وه‌كه‌یان ئه‌نجامداوه‌، پێنج كه‌سن و جلوبه‌رگی پۆلیسیان له‌به‌رادبووه‌، هاوكات ده‌موچاویشیان به‌ ماسك داپۆشیبوو.

چەند رۆژێکە کیم کارداشیان بۆ بەشداریکردن لە فێستیڤاڵێکی فاشیۆن لە پاریسە و دواى رووداوه‌كه‌ راسته‌وخۆ له‌گه‌ڵ ئه‌ندامانی خێزانه‌كه‌ی، به‌ فڕۆكه‌یه‌كی تایبه‌ت پاریسی جێهێشت و گه‌ڕایه‌وه‌ نیویۆرك.

میدیاکانی ئەمریکا بڵاویانکردووەتەوە، کەینی وێستی دەزگیرانی دوای بیستنی هەواڵەکە، بۆنەیەکی هونەریی لە نیویۆرک جێهێشتووە و رووی لە پاریس کرد.