كەشناسی باری كەشوھەوای راگەیاند
K24 - ھەولێر
بەڕێوەبەرایەتی كەشناسی و بومەلەرزەزانی ھەرێمی كوردستان، باری كەشوھەوای 48 كاتژمێری راگەیاند.
بەگوێرەی پێشبینیەكانی كەشناسی ئەمڕۆ ئاسمانی شارەكانی ھەرێمی كوردستان ساماڵ دەبێت لەگەڵ پەیدابوونی ھەندێك پەڵە ھەور.
لەبارەی كەشوھەوای سبەی شارەكانی كوردستان كەشناسی ئاشكرای كردووە، ئاسمانی ھەولێر و سلێمانی كەركووك ساماڵ دەبێت و لەگەڵ بوونی پەڵە ھەور، ئاسمانی شاری دھۆك لە ساماڵەوە دەگۆڕێت بۆ نیمچە ھەور و ھەوری تەواو ئەگەری بارینی نمە باران ھەیە.
