به‌ وێنه‌.. وادی السلام یه‌كێكه‌ له‌ گه‌وره‌ترین گۆڕستانه‌كانی جیهان

K24 - هه‌ولێر:

كه‌ یه‌كه‌مجار ئه‌م وێنانه‌ ده‌بینی، سه‌رنج بۆ ئه‌وه‌ ده‌چێت، كه‌ ئه‌وه‌ كۆمه‌ڵگه‌یه‌كی گه‌وره‌ی نیشته‌جێبوونه‌ به‌ شێوه‌یه‌كی نا ئه‌ندازه‌یی خانووه‌كانییان له‌سه‌ر شێوازی كۆن درووستكراوه‌، به‌ڵام ئه‌گه‌ر لێی ورد بییه‌وه‌ و سه‌رنج بده‌ی، ده‌بینی جگه‌ له‌ گۆڕستانێكی یه‌كجار گه‌وره‌، هیچی دیكه‌ نییه‌.

گۆڕستانه‌ پێی ده‌گوترێت "وادی السلام" و ده‌كه‌وێته‌ رۆژئاوای نه‌جه‌ف له‌ خوارووی عێراق، رووبه‌ڕه‌كه‌ی 1400 دۆنم ده‌بێت و زیاتر له‌ 5 ملیۆن گۆڕی تێدایه‌.

به‌هۆی بوونی مه‌رقه‌دی ئیمامی عه‌لی كوڕی ئه‌بی تاڵب له‌و شاره‌ و نزیك گۆڕستانی وادی السلام، گۆڕستانه‌ له‌ لای شیعه‌ ئایینزاكان، گرنگی و پیرۆزی خۆی هه‌یه‌.