پۆلیسی به‌ریتانیا ناسنامه‌ی ئه‌نجامده‌ری هێرشه‌كه‌ی به‌ریتانیا ئاشكرا ده‌كات

K24 - هه‌ولێر:

پۆلیسی به‌ریتانیا، ئه‌نجامده‌ری هێرشه‌كه‌ی دوێنێ شه‌وی شاری مانچێسته‌ری ئاشكرا كرد و رایگه‌یاند، ئه‌و كه‌سه‌ ناوی سه‌لمان عوبێده. 

به‌ گوێره‌ی راگه‌یه‌ندراوی پۆلیسی به‌ریتانیا، سه‌لمان عوبێدی ته‌مه‌نی 22 ساڵه‌ و نیشته‌جێی مانچێسته‌ر بووه‌ و به‌ ره‌چه‌ڵه‌كیش، لیبییه‌.

ئه‌و ته‌قینه‌وه‌یه‌ی كه‌ شه‌وی رابردوو له‌ هۆڵی ئارینا بۆ ئاهه‌نگگێڕان له‌ شاری مانچیسته‌ر له‌ رۆژئاوای بریتانیا روویدا، به‌و هۆیه‌وه‌ تا ئێستا 22 كه‌س گیانیان له‌ ده‌ستداوه‌و زیاتر له‌ 55 كه‌سی دیكه‌ش بریندار بووه‌.

رێكخراوی داعش به‌رپرسیارییه‌تی خۆی له‌ ته‌قینه‌وه‌ خوێناوییه‌كه‌ی شاری مانچیسته‌ر راگه‌یاند كه‌ به‌هۆیه‌وه‌ ده‌یان كه‌س كوژران و بریندار بوون.

له‌ به‌یاننامه‌یه‌كدا ئاماژه‌یان به‌وه‌ كردووه‌، ته‌قینه‌وه‌كه‌یان به‌هۆی دانانه‌وه‌ی بۆمبی چێنراوه‌وه‌ ئه‌نجامداوه‌.