بهرازیل مهشقهكانی دهستپێكرد و نێیماریش له مهترسییهكی گهوره رزگاری بوو
كاتی دوو یاری داهاتووی ههڵبژاردهی بهرازیل بزانه
له چوارچێوهی یارییهكانی پاڵاوتنی ئهمێریكای باشوور بۆ گهیشتن به مۆندیالی 2018ـی رووسیا، ههڵبژاردهی بهرازیل راهێنانه به كۆمهڵهكانی ئهنجامدا و زۆری نهمابوو نێیمار تووشی پێكانێكی سهخت ببێت.
ههڵبژاردهی بهرازیل به راهێنهرایهتی (تیتی) و به ئامادهبوونی 16 یاریزان له كۆی ئهو 24 یاریزانهی بانگهێشتی دوو یاری داهاتووی برازیل بۆ پاڵاوتنهكانی مۆندیالی رووسیا كراون راهێنانهكانیان ئهنجامدا.
له كاتی مهشق و راهێنانهكان بههۆی تووند یاریكردن لهگهڵ نێیمار داسێلڤا، ئهستێرهكهی یانهی پاریس سانجێرمان تووشی ئازاربوو، ئهوهش وایكرد بۆ ماوهیهكی كورت له مهشقهكان داببڕێت و پشكنینی تایبهتی بۆ بكرێت، پاشان نێیمار گهرایهوه راهێنانهكان.
برازیل وهك یهكهمین ههڵبژاردهی جیهان سهركهوتنی بۆ مۆندیالی رووسیا مسۆگهر كرد، له دوو یاری داهاتووی له پاڵاوتنهكانی مۆندیالیش رووبهرووی ههڵبژاردهكانی بۆلیڤیا و چیلی دهبێتهوه، بڕیاره پێنجشهممهی داهاتوو له كاتژمێر 11:00ـی شهو له دهرهوهی یاریگهی خۆی بهرامبهر بۆلیڤیا یاری بكات.