راگەیەندراوێك لە وەزارەتی پەروەردەوە
منداڵەكانیان دەتوانن لە نزیكترین شوێنی نیشتەجێبوون درێژە بە خوێندن بدەن
K24 - ھەولێر
وەزارەتی پەروەردەی حكوومەتی ھەرێمی كوردستان لە راگەیەندراوێكدا بەڕێوەبەرایەتییە گشتییەكان ئاگادار دەكاتەوە، یارمەتی ئاوارەكانی سەر بە پارێزگای كەركووك بدەن و دەرگای قوتابخانەكان بە رووی منداڵانیان واڵا بكەن و لە نێو پۆلەكان جێگەیان بكرێتەوە.
وەك لەو راگەیەندراوە ئاماژەی بۆ كراوە: "بنەماڵە ئاوارەکانیش دەتوانن لە شوێنی نیشتەجێبوونی ئێستایان، منداڵەکانیان بگەیێننە نزیکترین قوتابخانە تا لە خوێندن دوا نەکەون و درێژە بە وانەکانیان بدەن".
دەقی راگەیەندراوەكەی وەزارەتی پەروەردە
ئاگادارییەك لە وەزارەتی پەروەردە
بۆ سەرجەم بەڕێوەبەرایەتییە گشتییەکانی پەروەردەی (هەولێر و دهۆک و سلێمانی و هەڵەبجە و گەرمیان)
لەم دۆخە تایبەتەی هەرێمی کوردستان و بۆ یارمەتیدانی ئئاوارەکانی سەر بە پارێزگای کەرکوک و ناوچە کوردستانییەکانی دیکە و زەرەرمەندنەبوون و دوانەکەوتنیان لە خوێندن، پێویستە دەرگای قوتابخانەکان بە ڕووی منداڵەکانیاندا واڵا بکرێت تا بە پێی تەمەن و ئاستیان لە نێو پۆلەکاندا جێگەیان بکرێتەوە.
بنەماڵە ئاوارەکانیش دەتوانن لە شوێنی نیشتەجێبوونی ئێستایان، منداڵەکانیان بگەیێننە نزیکترین قوتابخانە تا لە خوێندن دوا نەکەون و درێژە بە وانەکانیان بدەن.
بەڕێوەبەرایەتی ڕاگەیاندنی
وەزارەتی پەروەردە