كوردستانییانی ئه‌مه‌ریكا نامه‌یه‌كی چوار خاڵی ئاراسته‌ی ئه‌مینداری گشتی نه‌ته‌وه‌ یه‌كگرتووه‌كان ده‌كه‌ن

K24 - هه‌ولێر:

كوردستانيیانی ئه‌مه‌ریكا خۆپیشاندانێكیان بۆ به‌رده‌م باڵه‌خانه‌ی كۆمه‌ڵه‌ی گشتی نه‌ته‌وه‌ یه‌كگرتووه‌كان له‌ نیویۆرك ئه‌نجامداو و نامه‌یه‌كی چوار خاڵیشیان ئاراسته‌ی ئه‌مینداری گشتی نه‌ته‌وه‌ یه‌كگرتووه‌كان كردووه‌.

به‌ گوێره‌ی زانیارییه‌كانی په‌یامنێری كوردستان 24 له‌ ئه‌مه‌ریكا، داواى ده‌ستبه‌جێ راگرتنی پێشێلكارییه‌كانی حه‌شدی شه‌عبی و پاسداران كراوه‌ و داوایان كردووه‌ نه‌ته‌وه‌ یه‌كگرتووه‌كان دۆسیه‌ی تایبه‌ت بۆ ئه‌م بابه‌ته‌ بكاته‌وه‌.

نامه‌كه‌ له‌م چوار خاڵه‌ی خواره‌وه‌ پێكهاتووه‌:

1- دەستبەجێ پێشێلکاریەکانی حەشدی شەعبی و پاسداران بکرێت بە دۆسیەیێک لە یوئێن و لێکۆڵینەوەی لەسەر بکرێت.

2- یوئێن ئیدانەی بەکارهێنانی چەک و تفاقی هاوپەیمانان لەلایەن میلیشیاکانی سەر بەئێران بکات کە دژی کورد و هاوڵاتیانی بێ تاوان بەکاری دێنن

3- دەستبەجێ یوئێن بڕیاری راگرتنی هەموو سزا ئابووریەکانی سەر هەرێمی کوردستان لەلایەن حکومەتی عیراقەوە بدات

4- سزا بەسەر حکوومەتی عیراق بسەپێنن تا ئەم رەفتارانەی دژی هەرێم و کوردستانیان رادەگرێت.