به‌ ڤيديۆ.. كچێك به‌سه‌ر هه‌وادا هه‌نگاوده‌نێت

كچێكى ئه‌مريكايى ئه‌و يارييه‌ى داهێنا

K24 – هه‌ولێر:

يارى هه‌نگاونان به‌سه‌ر به‌ربه‌ستى نه‌بينراودا وه‌ك ديارده‌يه‌ك له‌ تۆڕه‌ كۆمه‌ڵايه‌تييه‌كان بڵاوبووه‌ته‌وه‌، به‌ تايبه‌تى دواى ئه‌وه‌ى كچێكى ئه‌مريكايى ئه‌و يارييه‌ى داهێنا.

يارييه‌كه‌ له‌وه‌وه‌ ده‌ستپێده‌كات، كه‌ كه‌سێك ده‌يه‌وێت پێ به‌سه‌ر به‌ربه‌ستێكى نه‌بينراودا بنێت و بينه‌ر هه‌ست ده‌كات به‌سه‌ر هه‌وادا ده‌ڕوات.

ئه‌رييڵ ئوليڤار، له‌ قوتابخانه‌ى مانڤێلى ناوه‌ندى له‌ ويلايه‌تى ته‌كساسى ئه‌مريكا گرته‌يه‌كى ڤيديۆيى خۆى بڵاوكرده‌وه‌، كه‌ ئه‌و يارييه‌ ده‌كات و له‌ ماوه‌يه‌كى كه‌مدا يارييه‌كه‌ى له‌ تۆڕه‌ كۆمه‌ڵايه‌تييه‌كان بڵاوبوويه‌وه‌.