كۆسرهت رهسوڵ گهيشتهوه سلێمانى
دوای چەندین نەشتەرگەری و پشكنین لە دهرهوهى وڵات گهڕايهوه ههرێمى كوردستان.
K24 – ههولێر:
كهمێك پێش ئێستا كۆسرهت رهسوڵ عهلی، جێگری يهكهمى سكرتێری گشتی یهكێتی نیشتمانی كوردستان، دوای چەندین نەشتەرگەری و پشكنین لە دهرهوهى وڵات گهڕايهوه ههرێمى كوردستان.
پێشتر مهسعود مهلا ههمزه، سكرتێری رۆژنامهوانی كۆسرهت رهسوڵ بە كوردستان24 راگەیاندبوو: "دوای ئەوەی لە دەرەوەی وڵات نەشتەرگەری و پشكنینی تەواوی بۆكرا، ئەمڕۆ كۆسرهت رهسوڵ له لهندهنهوه دەگەڕێتەوە ھەرێمی كوردستان".
گوتیشی: "ئێستا باری تەندروستی كۆسرەت رەسوڵ، زۆرباشە بۆیە پزیشكەكان رێگەیان پێداوە بگەڕێتەوە".
راشیگەیاند: "كۆسرەت رەسوڵ، لە رێگەی فڕۆكەخانەی سلێمانی دەگاتەوە ھەرێمی كوردستان و لەلایەن ئەندامانی مەكتەبی سیاسی و سەركردایەتی و كادیر و دۆست و لایەنگرانی یەكێتی پێشوازی لێدەكرێت، دوای گەیشتنەوەی بۆ سلێمانی سەردانی مەكتەبی سیاسی یەكێتی دەكات".
رۆژی 11/11/2017، كۆسرەت رەسوڵ، لە سلێمانی باری تەندروستی تێكچوو، دوای ئەوەی گەیەندرایە نەخۆشخانە نەشتەرگەریەكی بۆ كرا، دواتر بەرەو دەرەوەی وڵات بەڕێكرا و لە یەكێك لە نەخۆشخانەكانی بەرلین نەشتەرگەری و چەندین پشكنینی دیكەی بۆ كراوە.