ساڵح موسليم چيكى بهجێهێشت
دهستى به ئهنجامدانى چالاكييهكانى له ئهوروپا كردووهتهوه
K24 – ههولێر:
دواى ئازادبوونى، ساڵح موسليم، هاوسهرۆكى پێشووى پارتى يهكێتى ديموكرات، له چيك، بڕياريدا ئهو وڵاته بهجێبهێڵێت.
ميرۆسلاڤ كروتينا، پارێزهرى ساڵح موسليم، رايگهياند، مۆكيلهكهى خاكى چيكى بهجێهێشتووه و دهستى به ئهنجامدانى چالاكييهكانى له ئهوروپا كردووهتهوه.
گوتيشى: "ساڵح موسليم خشتهيهكى چڕوپڕى كاركردنى له ئهوروپا ههيه و چهندين وتار و ديدارى دهبارهى پرسى بهرهنگاربوونهوهى داعش و رهوشى كورد دهبێت".
ههروهها گوتى: "به هۆى دهستبهسهركردنى ساڵح موسليم له لايهن پۆليسى پراگهوه، رۆژى شهممهى رابردوو، بووه هۆى دواكهوتنى بهشێك له بهرنامهكانى. ساڵح موسليم ههر له چوارچێوهى يهكێتى ئهوروپادايه".
دوای مانهوهی بۆ ماوهی 3 رۆژ به دهستبهسهركراوی لای دهزگا ئهمنییهكانی چيك، رۆژى سێشهممه 27ى شوبات/ فێبرايهرى 2018، دادگاى پراگ بڕیاری ئازادكردنى ساڵح موسليمى دهركرد.
له كاردانهوهی بڕیاری ئازادكردنی ساڵح موسلیم دا، باڵیۆزی توركیا له چیك رایگهیاند: "بڕیاری ئازادكردنی ساڵح موسلیم كاریگهری نهرێنی لهسهر پهیوهندییهكانی نێوان ئهنقهره و پراگ دهبێت و بڕیاری ئازادكردنی بۆ ئێمه چاوهڕوان نهكراو بوو".
لە25 شوبات/ فێبرايهری 2018 دەستگیركردنی ساڵح موسلیم، هاوسهرۆكی پێشووی پارتی یهكێتی دیموكرات (پهیهده)، له شاری پراگی پایتەختی كۆماری چیك راگەیەندرا. میدیاكانی پەیەدەش ئاشكرایان كرد ساڵح موسلیم، بە مەبەستی بەشداریكردن لە كۆنفرانسێك چووەتە چیك و دەستگیركردنی لەلایەن پۆلیسی چیك لەسەر داوای توركیا بووە.
له تشرینی دووهم/ نۆڤهمبهری 2016 توركيا یاداشتی دهستگیركردنی بۆ ساڵح موسلیم و 47 بهرپرسی دیكهی دیاری پهیهده، دهركردووه. دوای دەستگیركردنیشی رەجەب تەیب ئەردۆغان، سەرۆك كۆماری توركیا داوای لە چیك كرد، ساڵح موسلیم رادەستی توركیا بكات.
ئ.ڕ