"ئهم وهرزه ناوبژیوان بارسێلۆنای له 10 خاڵ بێبهش كردووه"
له لالیگا بارسێلۆنا بۆته قوربانی یهكهمی دهستی ناوبژیوانان
به گوێرهی راپۆرتێكی رۆژنامهی موندۆ دیپۆرتیڤۆی ئیسپانیا، لهم وهرزهی لالیگا، یانهی بارسێلۆنا بههۆی ههڵه و بڕیارهكانی ناوبژیوان 10 خاڵی لهدهستداوه.
له گهڕی 27ـهمی لالیگا، یانهی بارسێلۆنا سبهی یهكشهممه میوانداریی یانهی ئاتڵێتیكۆ مهدرید دهكات، یانه كهتهلۆنیاییه تهنیا 5 خاڵ له پێش یانهی رۆخی بلانكۆسه كه به 61 خاڵ پلهی دووهمی گرتووه.
یانهی بارسێلۆنا له 26 یاری 66 خاڵی كۆكردۆتهوه و پێشهنگی لالیگای گرتووه، رۆژنامهیهكی كهتهلۆنیایش ئاماژهی بۆ ئهوه كردووه بارسا بۆته قوربانی دهستی ناوبژیوانان.
رۆژنامهكه نووسیویهتی: ماتیۆ لاهۆز له 2 یاری بارسێلۆنا بهرامبهر لاس پاڵماس و ئاتڵێتیكۆ مهدرید له قۆناخی یهكهم به زوڵم 4 خاڵی له بارسێلۆنا به فیرۆداوه كه ههردوو یارییهكه به یهكسانبوون به گۆڵێك بۆ ههرلایهكیان كۆتایی هاتووه.
رۆژنامهكه ئاماژهی بۆ ئهوهش كردووه كه بارسێلۆنا 6 خاڵی بهرامبهر ڤالێنسیا (1 ـ 1)، سێلتا ڤیگۆ (2 ـ 2) و خیتافی (1 ـ 1) بههۆی ههڵهكانی ناوبژیوانان (ئێگلێسیاس ڤیلانۆیڤا، میلێرۆ لۆپێز و فێرناندێز بۆربالان) لهدهستداوه.
.jpg)