كەشناسی: بارانبارین بەردەوام دەبێت

K24 - ھەولێر

بەگوێرەی پێشبینیەكانی كەشناسی ئەمڕۆ بارنبارین بەشێوەی جیاواز لە ناوچەكانی باشووری كوردستان بەردەوام دەبێت و لە ھەندێك شوێن و كاتی جیاواز بارانی بە لێزمە دەبێت.

بەپێی پێشبینیەكانی بەڕێوەبەرایەتی كەشناسی و بومەلەرزەزانی ھەرێمی كوردستان ئەمڕۆ ئاسمانی باشووری كوردستان لەنێوان ھەور و نیمچە ھەوردا دەبێت و لەگەڵ دابارینی لێزمە باران لەكات و شوێنی جیاجیادا.

وەك پێشتر پێشبینی كرابوو لە رۆژی ھەینی 27/4/2018، شەپۆلێكی بارانبارین ھەرێمی كوردستانی گرتەوە، بەھۆی بارانی بەلێزمە لە ھەندێك ناوچە ئاو بەرزبووەوە و ئاستەنگ بۆ ھاتووچۆی ئۆتۆمبێل دروستبوو.

ئەمە لەكاتێكدایە لە سەرەتای وەرزی پایز و زستانی رابردوو، بە رێژەیەكی كەم باران لە باشووری كوردستان باریووەو جووتیاران مەترسی وشكە ساڵیان ھەبوو.

ھ.م