لە نزیك بنكەیەكی سەربازی ئەمریكی و فەرەنسییەكان تەقینەوەیەك روویدا

K24 - رەققە

پەیامنێری كوردستان24 لە رۆژئاوای كوردستان رایگەیاند: "تەقینەوەیەك لەبەردەم بارەگایەكی ھەسەدە لە عەین عیسای سەر بە رەققە روویدا، كە ژمارەیەك سەربازی ئەمریكی و فەرەنسی تیادا جێگیركراون".

پەیامنێرمان ئاشكرای كرد: "شەوی رابردوو تەقینەوەیەك لەبەردەم بارەگای ھێزەكانی سووریای دیموكرات (ھەسەدە) لە عەین عیسا روویدا و تاوەكو ئێستا ھیچ زانیاریەك سەبارەت بە ژمارەی قوربانیان و ئەنجامدەری تەقینەوەكە نییە".

گوتیشی: "جگە لە شەرڤانانی ھێزەكانی سووریای دیموكرات، نزیكەی 200 سەربازی ئەمریكی و 75 سەربازی فەرەنسی لەو بارەگایەن".

ھ.م