دزی له‌ ماڵی پیكێ و شاكیرا ده‌كرێت

به‌ره‌به‌یانی ئه‌مڕۆ دزی له‌ ماڵه‌كه‌ی جێرارد پیكێی یاریزانی بارسێلۆنا كرا، به‌ڵام هیچ زیانێك به‌ر یاریزانه‌ و شاكیرای هاوسه‌ری نه‌كه‌وتووه‌.

دزه‌كان به‌ سوود وه‌رگرتن له‌ خراپی كه‌شوهه‌وای بارسێلۆنا چوونه‌ته‌ ماڵی پیكێ و به‌بێ ئه‌وه‌ی توندوتیژی به‌كار هێنن ماڵی پیكێیيان بڕیوه‌ .

به‌پێی سه‌رچاوه‌كانی ئیسپانیا له‌ ماڵی پیكێدا دزه‌كان زێڕ و چه‌ند كاتژمێرێكی به‌ نرخی ئه‌و یاریزانه‌ و شاكیرایان بردووه‌.

ئه‌م ماڵ بڕینه‌ی پیكێ له‌ كاتێكدایه‌ له‌گه‌ڵ هه‌ڵبژارده‌ی ئیسپانیا خه‌ریكی ئاماده‌كارییه‌كانی مۆندیاله‌ و شاكیراش له‌ گه‌شتێكی هونه‌ریه‌ بۆ چه‌ند وڵاتێكی ئه‌وروپا.