دڵشاد شه‌هاب: شاندى پارتى و يه‌كێتى بۆ به‌غدا له‌گه‌ڵ سه‌رجه‌م لايه‌نه‌كان كۆده‌بێته‌وه‌

K24 – هه‌ولێر:

ئه‌ندامی سه‌ركردایه‌تی پارتی ديموكراتى كوردستان، دڵشاد شه‌هاب، رايگه‌ياند، ئه‌و شانده‌ی سه‌ردانی به‌غدا ده‌كات له‌گه‌ڵ ته‌واوی لایه‌نه‌ سیاسییه‌كان كۆده‌بێته‌وه.

بڕياره‌ سبه‌ى شاندێكى پارتى و يه‌كێتى به‌ مه‌به‌ستى گفتوگۆكردن له‌گه‌ڵ لايه‌نه‌ براوه‌كانى عێراق سه‌ردانى به‌غدا بكه‌ن.

دڵشاد شه‌هاب گوتيشى: ‌كورد له‌گه‌ڵ هیچ به‌ره‌یه‌ك خۆی یه‌كلانه‌كردووه‌ته‌وه‌ و له‌سه‌ر بنه‌ماى ئه‌جێنداى خۆى دانووستان له‌گه‌ڵ لايه‌نه‌كان ده‌كات.

روونيشيكرده‌وه‌، شاندی پارتی و یه‌كێتی له‌ ئاستی مه‌كته‌بی سیاسی به‌ هاوبه‌شی ده‌چنه‌ به‌غدا و كام لایه‌ن داواكارییه‌كانی كورد جێبه‌جێبكات، ئه‌وا كورد له‌گه‌ڵ ئه‌و لایه‌نه‌ ده‌بێت.