توركیا سیستمی مووشەکی S400 جێگیر دەكات
فڕۆكەی ئێف 35یش لە ئەمریكا دەكڕن
K24 - ھەولێر
حكوومەتی توركیا رایگەیاند، ساڵی داھاتوو دەست بە جێگیركردنی سیستمی مووشەكی ئێس400 لە توركیا دەكرێت.
خولوسی ئاكار، وەزیری بەرگری توركیا رایگەیاند، كە ئامادەكاریەكانیان بۆ دانانی سیستمی بەرگری ئێس400، بەردەوامە و لە مانگی 10ی ساڵی داھاتوو دەست بە دانانی ئەو سیستمە دەكرێت و فڕۆكەی ئێف 35یش لە ئەمەریكا دەكڕن. وەزیری بەرگری توركیا گوتیشی: "لەو باوەڕەنین ھیچ كێشەیەك بۆ كڕینی فڕۆكەی ئێف 35 دروست ببێت".
ئەمەش دوای ئەوەدێت كە ساڵی رابردوو توركیا بە بڕی دوو ملیار و 500 ملیۆن دۆلار مووشەكی ئێس400ی لە رووسیا كڕی.
سەرچاوە: ئەنادۆڵ