سەگێک دوو کاریلە دەگرێتەخۆی

K24 – هه‌ولێر:

سەگێک دوو کاریلە دەگرێتە خۆ کە لەلایەن دایکیانەوە فەرامۆشکراون و شیرییان پێنادرێت.

لە پارێزگای زونگولداخی تورکیا، دوای ئەوەی دوو کاریلە پێکەوە لە دایکدەبن، دایکەکەیان رەتیدەکاتەوە بەخێویان بکات، بەڵام سەگێک دەیانگرێتەخۆی.

شابان ئیرۆل، شوان و خاوەنی مەڕوماڵات لەبارەی رووداوەکە بە رۆژنامەی حوریەتی گوتووە: "ئەم جۆرە سەگە زۆر جیاوازە لە ئاژەڵەکانی دیکە، ئەو دڵێکی راستەقینەی پێوەیە".

ئەو شوانە دەڵێت: "سەگەکەم جیاوازی ناکات لە نێوان بێچووەکانی خۆی و کاریلەکان، وەک یەک شیریان پێدەدات و گرنگیان پێدەدات، کاریلەکانیاش وادەزانن سەگەکە دایکی راستەقینەیانە".

سەرچاوە: حوریەتی تورکی

H.J