ئەمەریکا داوای گەرەنتی ژیانی کوردەکان لە تورکیا دەکات

K24 – هه‌ولێر:

وەزیری دەرەوەی ئەمەریکا دەڵێت، دوای کشانەوەی هێزەکانیان لە سووریا، وڵاتەکەی گەرەنتی دەوێت کە هێزەکانی تورکیا کوردانی ئەو وڵاتە نەکوژن.

مایک پۆمپیۆ، وەزیری دەرەوەی ئەمەریکا لە لێدوانێکیدا بۆ پێگەی نیوزماکس رایگەیاند: "پاراستنی کورد و پێکهاتە ئاینییەکانی دیکەی سووریا بەلای ئەمەریکاوە گرنگە".

گوتیشی: "دوای کشانەوەی هێزەکانیان لە سووریا گرەنتیان بۆ پاراستنی کوردەکان و پێکهاتە ئایینیەکان دەوێت".

وەزیری دەرەوەی ئەمەریکا رەتیشیکردەوە کاتی کشانەوەی هێزەکانی وڵاتەکەی لە سووریا ئاشکرا بکات و رایگەیاند نایەوێت باسی ئەو کاتە بکات بۆ ئەوەی دووژمنان سوودی لێوەرنەگرن.

H.J