ژنێک منداڵێک لە دڕندەیی دوو سەگ رزگار دەکات

K24 – هه‌ولێر:

ژنێک بە گیانی خۆی منداڵێک لە قەپاڵ و چنگی دوو سەگی گەورە دەپارێزێت.

لە قاهیرەی پایتەختی میسر منداڵێک بەناوی ئیهاب لە لایەن دوو سەگەوە هێرشدەکرێتە سەری و بە سەختی بریندار دەکرێت.

سەگەکان دڕندانە قەپاڵ لە منداڵەکە دەگرن و بە زەویدا دەدەن، تاکو دوو ژن دێنە فریای و بە دوور خستنەوەی سەگێکیان و پەرژین دروستکردن، مەترسی سەر منداڵەکە ناهێڵن.

ئیهاب برینەکەی سەختبووە و لەبەر ترس و بەرزبوونەوەی پلەی گەرمی لەشی، پزیشکان چاودێری وردیان کردووە.

باوکی ئیهاب سکاڵای یاسایی لەسەر خاوەنی سەگەکان تۆمارکردووە و وەک سزای سەرەتایش، خاوەنی سەگەکان بە بڕی 100 دۆلار سزادراوە.
محەمەد حوسام عەبدولرحیم، وەزیری دادیی میسر لەبارەی ئەو دۆسییەیە دەڵێت: "هەموو رێکارێکی پێویست دەگرینە بەر".

بەگوێرەی هەواڵێکی رۆژنامەی دەیلی مەیلی بەریتانی، ئەو ژنەی خۆی دەکاتە قەڵغانی منداڵەکە، منداڵەکەی نەناسیوە و ژنەکەی دیکەش خاوەنی سەگەکان بووە.

H.J