كەشناسی: بارانی بە لێزمە دەست پێدەكاتەوە

K24 - ھەولێر

بەڕێوەبەرایەتی كەشناسی و بومەلەرزەزانی ھەرێمی كوردستان، پێشبینیەكانی بۆ كەشوھەوای 48 كاتژمێری داھاتوو بڵاوكردەوە، بەپێی پێشبینیەكان ئەمڕۆ ئاسمانی ھەرێمی كوردستان ھەوری تەواو دەبێت و باران بەشێوەی پچڕ پچڕ دەبارێت ھەندێك كات ھەورە تریشقەی لەگەڵ دەبێت بەتایبەتی لەكاتەكانی شەودا.

لەبارەی كەشوھەوای سبەی كەشناسی پێشبینی دەكات، رۆژی یەكشەممە ئاسمانی ھەرێمی كوردستان ھەوری تەواو دەبێت و لە زۆربەی كاتەكان باران دەبارێت، ھەندێك جار دابارینی باران بە لێزمە دەبێت و ھەورە تریشقەی لەگەڵ دەبێت.