كەشناسی: لە ھەندێك ناوچە لێزمە باران دەبێت

K24 - ھەولێر

بەپێی پێشبینیەكانی كەشناسی ئەو شەپۆلە بارانبارینەی ھەرێمی كوردستانی گرتووەتەوە ئەمڕۆش كاریگەری دەبێت و لە ھەندێك كات و شوێنی جیاواز لێزمە باران دەبێت.

بەڕێوەبەرایەتی كەشناسی و بومەلەرزەزانی ھەرێمی كوردستان، پێشبینیەكانی بۆ كەشوھەوای 48 كاتژمێری داھاتوو بڵاوكردەوە، بەگوێرەی پێشبینیەكان ئەمڕۆ ئاسمانی شارەكانی ھەرێمی كوردستان ھەور دەبێت و لەگەڵ دابارینی باران لە كات و شوێنی جیاجیا، لە ھەندێك شوێن لێزمە باران دەبێت، لە كاتەكانی ئێوارەدا كاریگەری ئەم شەپۆلە بارانبارینە كەم دەبێتەوە.

لە بارەی كەشوھەوای سبەی كەشناسی پێشبینی دەكات، رۆژی یەكشەممە ئاسمانی ھەرێمی كوردستان لەنێوان ساماڵ و نیمچە ھەور دەبێت.