هۆکار و چارەسەرییەکانی دڵەکوتێ

K24 – هه‌ولێر:

دڵەکوتێ کاتێک روودەدات، دڵ بە ناڕێکی لێدەدات یاخود ترپەکانی بە شێوەیەکی نائاسایی زیاد دەکات، وا هەستدەکەیت دڵت زۆر خێرا لێدەدات و لێدانەکەش قورس و هەستپێکراوە.

دەکرێت دڵەکوتێ دۆخێکی ئاسایی بێت، بەڵام ئەمە هەمیشە راست نییە.

هۆکارەکانی دڵەکوتێ:

وەرزش و راهێنانێکی زۆر

کافێین

نیکۆتینی جگەرە و سیگار

فشاری دەروونی و ترس

کەم خواردنەوەی ئاو

گۆڕانی هۆرمۆن بە تایبەتی لەکاتی دووگیانیی خانمان

کەمی رێژەی شەکر لە خوێندا

کەم خوێنیی

نەخۆشییەکانی رژێنی دەرەقی (غودە)

کەمی رێژەی ئۆکسجین و کاربۆن دیۆکساید لە خوێندا

لەدەستدانی خوێن

هەندێک جۆری دەرمان

شۆکبوون

بەزربوونەوەی پلەی گەرمی لەش

ماددە هۆشبەرەکان

زۆربەی جار دڵەکوتێ بێزیانە، بەڵام هەندێکجار دڵەکوتێ مانای وایە یەکێک لەم نەخۆشیانەت هەیە:

تێکچوونی ریتمی دڵ

یەکێک لە نەخۆشییەکانی دڵ

تێکچوونی کارەبایی دڵ

ئەگەر دڵەکوتێ ئەم دۆخانەی لەگەڵ بوو دەبێت سەردانی پزیشک بکەیت:

بێهێزیی

گێژخواردن

بوورانەوە

لەدەستدانی هۆشیاریی

زۆر ئارەقکردنەوە

تووندیی هەناسەدان

ئازار و فشار لەسەر سینگ، مل و بەشی سەرەوەی پشتت

ئەگەر لە خولەکێک زیاتر لە 100 ترپەی هەبوو

چارەسەر:

وەرزش

کەمکردنەوەی فشاری دەروونی

بەکارهێنانی دەرمانی گونجاو

باشتر کردنی دۆخی تەندروستی

لە هەندێک دۆخدا، پزیشک ناتوانێت هۆکاری دڵەکوتە بزانێت چونکە هۆکارەکەی نادیارە.

ئەگەر هۆکاری دڵەکوتێ جگەرە و خواردنەوە کحولییەکان و فشاری دەروونی بێت، دەکرێت لە رێگای دوورکەوتنەوە لێیان، چارەسەری خۆت بکەیت

 Healthline

H.J