خواردنەوەیەک دەبێتە هۆی خەوێکی ئاسوودە

K24 – هه‌ولێر:

ئەگەرچی هەندێک خواردنەوە هەن رێگری لە خەو دەکەن، بەڵام هەندێک خواردنەوەش هەن یارمەتیمان دەدەن زووتر و ئاسوودەتر بنووین.

جێسیکا گارای رێدمۆد، یاردەدەری پرۆفیسۆر لە بەشی ژیواندن (نیوتریشن) و خۆراک لە زانکۆی سیراکوس لە شاری نیویۆرکی ئەمەریکا بە CNNی گوتووە: "ئەو خواردنەوانەی کافینیان تێدا بە گوێرەی هەستیاریی کەسەکە بۆ کافین، دەبنە هۆی رێگری کردن لە خەو، بە تایبەت ئەگەر لە شەودا بخورێنەوە".

دەشڵێت: "بەگوێرەی توێژینەوەکان، خواردنەوەی شیر پێش خەو، یان تێکەڵکردنی شیر و هەنگوین و خواردنەوەی پێش خەو، دەبێتە هۆی ئەوەی زووتر و ئاسوودەتر بنووین چونکە شیر سەرچاوەی تریپتوفانە".

تریپتوفان ترشێکی ئەمینییە و دەبێتە هۆی دەردانی مێلاتۆنین ( بازنەی خەو رێکدەخات) و سێرۆتۆنین (پشوو دەداتە لەش).

ئەو پزیشکە دەڵێت، خواردنەوەی کحولیەکانیش یارمەتی مرۆڤ دەدەن زوو خەو بیانباتەوە، بەڵام کوالیتی خەوەکەیان باش نابێت.

 H.J