حکوومەتی هەرێم و فەرەنسا یاداشتنامەیەکییان واژۆ کرد

K24 – هه‌ولێر:

هەردوو وەزارەتی پەروەردەی حکوومەتی هەرێمی کوردستان و حکوومەتی فەرەنسا، یاداشنامەیەکیان لەبواری پەروەردە واژۆ کرد.

پشتیوان سادق، وەزیری پەروەردەی حکوومەتی هەرێمی کوردستان لە دوای واژۆکردنی یاداشتنامەکە گووتی: "ئەمڕۆ رێککەوتنێکی گرنگ لە نێوان حکوومەتی فەرەنسا و وەزارەتی پەروەردە واژۆ کرا".

گووتیشی: "ئێمە وەکو وەزارەتی پەروەردە پابەند دەبین بە پاڵپشتی کردنی قوتابخانە فەرەنسییەکانی هەرێمی کوردستان".

لای خۆیەوە، دۆمەنیک ماس، کونسوڵی گشتی فەرەنسا لە هەرێمی کوردستان وەک نوێنەری حکوومەتی فەرەنسا رایگەیاند: "لە رێگای سەرپەرشتیار و پرۆگرامەکان، پاڵپشتی قوتابخانە فەرەنسییەکان دەکەین".

کونسوڵی فەرەنسا سوپاسی حکوومەتی هەرێمی بۆ هێشتنەوەی قوتابخانە فەرەنسییەکان کرد و بە هۆکارێک بۆ پتەوکردنی پەیوەندی نێوان گەلی کورد و فەرەنسا ناویبرد.

H.J