به فه‌رمی یانه‌ی شورته بووه پاڵه‌وانی خولی نایابی عێراق
دوو هه‌فته پێش ته‌واو بوونی خوله‌كه بووه پاڵه‌وان
یانه‌ی شورته دوو هه‌فته پێش ته‌واوبوونی خوله‌كه به فه‌رمی بووه پاڵه‌وانی خولی نایابی عێراق بۆ وه‌رزی 2018 ـ 2019.
له گه‌ڕی 36ـه‌مینی خولی نایابی عێراق یانه‌ی شورته به گۆڵێكی بێوه‌ڵام به یانه‌ی مینا دۆڕا، سه‌ره‌ڕای ئه‌و شكسته‌كه‌ش به‌ڵام سوودی له دۆڕانه‌كه‌ی جه‌وییه وه‌رگرت و بووه پاڵه‌وانی ئه‌م وه‌رزه‌ی خولی نایابی عێراق.
یانه‌ی شورته دوای 6 ساڵ دابڕان له نازناوه‌كه جارێكی دیكه به نازناوی خولی نایابی عێراق شادبووه‌وه، دوایینجار ئه‌م نازناوه‌ی له وه‌رزی 2013 ـ 2014 بردبووه‌وه كه ئه‌وكات به جیاوازی یه‌ك خاڵ له‌گه‌ڵ یانه‌ی هه‌ولێری ركابه‌ری نازناوه‌كه‌ی به‌ده‌ستهێنا.
یانه‌ی شورته له‌م وه‌رزه‌ی خولی نایابی عێراق، له كۆی 36 یاری، 26 بردنه‌وه و 8 به‌رامبه‌ربوون و 2 شكستی هه‌بوو، 71 گۆڵی تۆمار كرد و ته‌نیا 19 گۆڵی لێكراوه.
