یەکەم کاروانی حاجیان گەیشتەوە هەرێمی کوردستان

K24 - سلێمانی    

ئەمڕۆ شەممە 17/8/2019، یەكەم كاروانی حاجیان لە رێگەی فڕۆكەخانەی سلێمانی گەیشتەوە ھەرێمی كوردستان.

ھاوژین جەمال، پەیامنێری کوردستان24 رایگەیاند: "بەیانی ئەمڕۆ یەکەم کاروانی حاجیان کە ژمارەیان 417 حاجیە، گەیشتنەوە فڕۆکەخانەی نێودەوڵەتی سلێمانی".

گوتیشی: "بڕیارە ئێوارەی ئەمڕۆ کاروانێکی دیکەی حاجیان کە ئەوانیش ژمارەیان 417 حاجیە بگاتەوە فڕۆکەخانەی نێودەوڵەتی هەولێر و پرۆسەی گەڕانەوەی حاجیانیش تا 29ی ئەم مانگە بەردەوام بێت".

ئەمساڵ 7 هەزار و 132 حاجی لە هەرێمی کوردستانەوە بە مەبەستی بەجێگەیاندنی فەریزەی حەج چوونەتە سعوودیە و تا ئێستاش دوو حاجی کۆچی دواییان کردووە.

ھ.م