والی بەغدای داعش کوژرا

K24 – هه‌ولێر:

حەشدی شەعبی کوژرانی والی بەغدای رێکخراوی داعش و دەستگیرکردنی شەش چەکداری رێکخراوەکەی راگەیاند.

لە راگەیەندراوێکی حەشدی شەعبیدا هاتووە، لە ئۆپەراسیۆنێكی ئەمنی لە ناوچەی وادی حۆران لە بیابانەکانی ئەنبار، عەبدولسەلام حەمەد حەممود ناسراو بە ئەبو نور، والی بەغدای رێكخراوی داعش کوژرا.

ئاماژە بەوەشدراوە، یەکێک لە یاریدەدەرەکانی والی داعش لە بەغدا بە برینداری خۆی تەقاندەوە و شەش پاسەوانیشی دەستگیر کراون.

ئەمەش لە کاتێکدایە، لە چەند رۆژی رابردوودا، قۆناغی چوارەمی ئۆپەراسیۆنی ئیرادەی سەرکەوتن، لە وادی حۆران کۆتایی هاتبوو.

H.J