بەھۆی رووداوی ھاتووچۆ لە بەردەڕەش كەسێك گیانی لەدەستدا و 10ی دیكەش برینداربوون
ھۆكاری رووداوەكە ئاشكرا دەكرێت
K24 - ئاكرێ
سەر لە بەیانی ئەمڕۆ لەسەر رێگەی گشتی نێوان ناحیەی روڤیە - پردی حسێنیە، لە سنووری قەزای بەردەڕەش، بەھۆی رووداوی ھاتووچۆ، كە چوار ئۆتۆمبێلی وەرگەڕان لە ئەنجامدا كەسێك گیانی لەدەستدا و 10ی دیكەش برینداربوون.
حازم گۆران، وتەبێژی ھاتووچۆی بەردەڕەش بە كوردستان24ی راگەیاند: "ھۆکاری دروستبوونی روداوەکە بەھۆی رژانی گاز رەش بووە لە تانكەرێك و شوفێرانیش بە نائاگایی پێیدا رۆیشتوون و چوار ئۆتۆمبێل وەرگەڕاون، لە ئەنجامدا كەسێك گیانی لەدەستدا و 10 كەسی دیكەش برینداربوون".
وتەبێژی ھاتووچۆی بەردەڕەش راشیگەیاند: "لە سەرەتای ئەمساڵە تائێستا لە سنووری بەردەڕەش 5 كەس بەھۆی رووداوی ھاتووچۆ گیانیان لەدەستداوە و ژمارەیەكی دیكەش بینداربوونە.
