عەدنان عوسمان: دوو ساڵی داهاتوو هەستانەوەی بزووتنەوەی گۆڕان دەبێت

K24 – هه‌ولێر:

عەدنان عوسمان کە لە کۆبوونەوەی ئەمڕۆی جڤاتی نیشتمانیی وەک  سکرتێری جڤاتی نیشتمانیی هەڵبژێردرا رایگەیاند، ھەڵبژاردنەكانی ئەمڕۆی جڤاتی نیشتمانیی، بە شێوەیەكی سەركەوتووانە و گۆڕانخوازانە بەڕێوەچوو.

راشیگەیاند: "دوو ساڵی رابردوو بە ساڵی مانەوەی گۆڕان ناودەنێین و دوو ساڵی داھاتووووش بە ساڵەكانی ھەستانەوە و رێكخستنەوەی بزووتنەوەی گۆڕان ناودەبەین".

ئەمڕۆ شەممە 14/09/2019، جڤاتی نیشتمانیی بزووتنەوەی گۆڕان هەڵبژاردنی بۆ یەکلا کردنەوەی چەند پۆستێک ئەنجامدا و تیایدا، پۆستەکان بەمجۆرە هەڵبژێردران:

عومەر سەید عەلى – رێکخەرى گشتى

عەدنان عوسمان – سکرتێرى جڤاتى نیشتمانى

جەلال جەوهەر - سکرتێرى کاروبارى فراکسیۆنەکان

دەرباز محەمەد - سکرتێرى کاروبارى ژوورەکان

شەماڵ عەبدولوەفا - سکرتێرى کاروبارى باژێرەکان

برزۆ مەجید - سکرتێرى کاروبارى خەڵک

جەمال حاجى محەمەد - سەرۆکى جڤاتى گشتى

H.J