مەحموود محەمەد: نابێت هەندێک رووداو کاریگەرییان لەسەر یەکڕیزیی پارتی و یەکێتی هەبێت

K24 – هه‌ولێر:

مەحموود محەمەد، گوتەبێژی پارتی دیموکراتی کوردستان لە لێدوانێکی تایبەت بە کوردستان24ی راگەیاند، دەبێت پارتی دیموکراتی کوردستان و یەکێتی نیشتمانی کوردستان ئەو پرسە لاوەکییانە تێبپەڕێنن کە دێنە پێشەوە.

راشیگەیاند، دەبێت رێگەنەدەین ئەو رووداوانە ببنە رێگر لەبەردەم یەکڕیزی نێوانمان و هەوڵیش بدەین کە ئەو جۆرە رووداوانە دووبارە نەبنەوە.

گوتیشی، هەردوولامان دەبێت هەوڵ بۆ بەرەوپێشبردنی پەیوەندییەکانمان بدەین، تاوەکو لەو رێگەیەوە بتوانین خزمەت بە هەرێمی کوردستان بکەین.

H.J