سەرۆکی لیستی هاوپەیمانی کوردستانی: بە یەکڕیزیی سەرکەوتوو دەبین

K24 – هه‌ولێر:

له‌ كۆبوونه‌وه‌ی ئه‌مڕۆی لایه‌نه‌ سیاسییه‌كانی هه‌رێمی كوردستان، بڕیار درا به‌ ده‌ستنیشانكردنی عه‌بدولڕه‌حمان مسته‌فا پارێزگاری پێشووتری كه‌ركووك به‌ سه‌رۆكی قه‌واره‌ی هاوپه‌یمانی كوردستانی. 

ئەمڕۆ لایەنە سیاسییەکانی هه‌رێمی كوردستان، بە مەبەستی دیارکردنی سەرۆک و لۆگۆی قه‌واره‌ی هاوپەیمانی کوردستانی لە باره‌گای سه‌ره‌كی بزووتنه‌وه‌ی گۆڕان له‌ شاری سلێمانی کۆبوونەوە و لە دوای کۆبوونەوەکە، لایەنەکان و سەرۆکی لیستەکە کۆنفرانسێکی رۆژنامەوانییان ئەنجامدا.

لە کۆنفرانسە رۆژنامەوانییەکە، عەبدولرەحمان مستەفا رایگەیاند: "دڵخۆشم کە بە کۆی دەنگ بوومە سەرۆکی لیستەکە و ئەمە ئەرکێکی نیشتیمانییە"

راشیگەیاند: "هیوادارم یەکڕیزیی بپارێزین و بەم یەک دەنگییە سەردەکەوین".

لەبارەی لۆگۆی لیستەکە، زمناکۆ جەلال، بەرپرسی ژووری هەڵبژاردنی بزووتنەوەی گۆڕان رایگەیاند، لۆگۆی لیستەکە رەنگدانەوەی پێکەوە ژیان و جێبەجێکردنی دەستوور دەبێت.

بڕیارە 01/04/2019 هەڵبژاردنی ئەنجوومەنی پارێزگاکان لە عێراق ئەنجام بدرێت و لایەنە کوردستانییەکان لە کەرکووک، دیالە، سەڵاحەدین و نەینەوا بە یەک لیست بەشداریی دەکەن.

H.J