نزیكه‌ی 150 سه‌ربازی دیكه‌ی ئه‌مه‌ریكا سووریایان به‌جێهێشت
كشانه‌وه‌ی ئه‌مه‌ریكا به‌رده‌وامه
K24 – هه‌ولێر:
ئاژانسی هه‌واڵده‌ری ره‌سمی سووریا(سانا) بڵاویكرده‌وه، نزیكه‌ی 150 سه‌ربازی ئه‌مه‌ریكا له فڕۆكه‌خانه‌ی ره‌حیبه‌ی سه‌ر به مالكییه له ریفی حه‌سه‌كه‌ی خۆرهه‌ڵاتی سووریاوه بارگه و بنه‌یان تێكناوه و به‌ره‌و عێراق پاشه‌كشه‌یان كردووه.
هاوكات ئه‌مڕۆ سوپای سووریا گه‌یشته شاری ته‌بقه و ده‌ستیگرت به‌سه‌ر فڕۆكه‌خانه‌ی سه‌ربازی ته‌بقه و شارۆچكه‌ی عه‌ین عیسا و ژماره‌یه‌ك گوند و ناوچه‌كانی ده‌وروبه‌ری ره‌ققه. هه‌روه‌ها شارۆچكه‌ی ته‌لته‌مر له باكووری حه‌سه‌كه.
دوێنێ یه‌كشه‌ممه، مارك ئێسپر، وه‌زیری به‌رگری ئه‌مه‌ریكا، رایگه‌یاندبوو، ئاماده‌كارییان بۆ كشاندنه‌وه‌ی نزیكه‌ی هه‌زار سه‌ربازی ئه‌مه‌ریكی له خاكی سووریا كردووه.