لە رووداوێکی هاتووچۆ کەسێک گیانی لەدەستدا

K24 – هه‌ولێر:

بەهۆی رووداوێکی هاتووچۆ، لە سەر رێگای کەلار -  سلێمانی، کەسێک گیانی لەدەستدا.

بەگوێرەی راگەیەندراوێکی بەڕێوەبەرایەتی هاتووچۆی گەرمیان: "لەسەر رێگای کەلار- سلێمانی، لە  نزیک گوندی (لەواوان) ڕووداوێکی پێکدادان لە نێوان (نیسان تیدا و مارسیدس بارهەڵگر) روویدا"

لە راگەیەندراوەکە هاتووە: "لە ئەنجامی رووداوەکە شۆفێری ئۆتۆمبێلی نیسان تیداکە بە سەختی بریندار بوو پاش گەیاندنی بە نەخۆشخانەی شەهید مەلا ئەحمد بە هۆی سەختی برینەکەیەوە گیانی لە دەستدا".

H.J