سەرۆكی ھەرێم لە سلێمانی لەگەڵ لایەنەكان كۆدەبێتەوە
لەگەڵ لایەنە سیاسییەكان كۆدەبنەوە
K24 - سلێمانی
ئەمڕۆ نێچیرڤان بارزانی، سەرۆكی ھەرێمی كوردستان بەیاوەری مستەفا سەید قادر و جەعفەر شێخ مستەفا جێگرانی سەرۆكی ھەرێم، سەردانی شاری سلێمانی دەكات و لەگەڵ چەند لایەنێكی سیاسی كۆدەبنەوە.
ھاوژین جەمال پەیامنێری كوردستان24 لە سلێمانی رایگەیاند: "بڕیارە كاتژمێر 11ی پێش نیوەڕۆ نێچیرڤان بارزانی و جێگرەكانی بگەنە شاری سلێمانی و لە یەكەم وێسگەی سەردانەكەشیان بارەگای سەرەكی بزوتنەوەی گۆڕان دەبێت و لەگەڵ رێكخەرو سەركردەكانی ئەو حزبە كۆدەبێتەوە. دواتر لەگەڵ كۆسرەت رەسوڵ جێگری سكرتێری گشتی یەكێتی و ژمارەیەك لە ئەندامانی مەكتەبی سیاسی ئەو حزبە كۆدەبنەوە".
بەگوێرەی زانیاری پەیامنێرمان: "ئەجندای سەرەكی سەردانی دەستەی سەرۆكایەتی ھەرێم بۆ سلێمانی و كۆبوونەوە لەگەڵ لایەنەكان، بۆ یەكڕیزی و یەكھەڵوێستی لایەنە سیاسییەكانی كوردستانە لەناوخۆ و پێشھاتەكانی عێراق و ناوچەكە".