كەشناسی: بارانبارین دەست پێدەكاتەوە

K24 - ھەولێر

بەگوێرەی پێشبینیەكانی كەشناسی ئەمڕۆ شەپۆلێكی بارانبارین ھەرێمی كوردستان دەگرێتەوە و چەند رۆژێك كاریگەری لەسەر ناوچەكە دەبێت.

بەڕێوەبەرایەتی كەشناسی و بومەلەرزەزانی ھەرێمی كوردستان، پێشبینیەكانی بۆ كەشوھەوای 48 كاتژمێری داھاتوو راگەیاند، بەگوێرەی پێشبینیەكان ئەمڕۆ ئاسمانی ھەرێمی كوردستان لەنێوان نیمچە ھەور و ھەوری تەواو دەبێت و لە كات و شوێنی جیاجیا باران دەبارێت، بەتایبەتی لە شەودا بارانبارین زۆربەی شارەكان دەگرێتەوە. بەرزترین پلەی گەرما لە ھەولێر و دھۆك 19 و سلێمانی 18، لە كەركووك بەرزترین پلەی گەرما 19 پلەی سیلیزی دەبێت.

لەبارەی كەشوھەوای سبەی كەشناسی پێشبینی دەكات، رۆژی پێنجشەممە ئاسمانی ھەرێمی كوردستان، ھەور و باراناوی دەبێت و ئاستی بارانبارین مامناوەندی دەبێت.