دوو سێو لە رۆژێکدا رێژەی کۆلیسترۆڵ چەند دادەبەزێنێت؟

K24 – هه‌ولێر:

توێژینەوەیەکی نوێ دەریدەخات، خواردنی دوو سێو لە رۆژێکدا سوودی زۆری بۆ تەندروستی دڵ هەیە.

جولیو لۆڤێگروڤ، پرۆفیسۆری توێژینەوە لە زانکۆی ریدینگ، دەڵێت: "رەنگە تا رادەیەک ئەو قسەیە راست بێت کە دەڵێت، رۆژانە سێوێک بخۆ و سەردانی پزیشک مەکە".

دەشڵێت، ئەو کەسانەی لە رۆژێکدا دوو سێو دەخۆن، بە رێژەی 4% بە بەروارد بەو کەسانەی شەربەتی جیاواز دەخۆنەوە، رێژەی کۆلیسترۆلیان دادەبەزێت.

ئەمەش بەهۆی ئەوەی سێو دەوڵەمەندە بە فایبەر و پۆلیفێنۆل و سوودی بۆ دابەزاندنی کۆلیسترۆل هەیە کە ئەمەش کاریگەر لەسەر تەندروستی دڵ و دەمارەکان دەبێت.

لە توێژینەوەکە بۆ ماوەی دوو مانگ رۆژانە دوو سێو دراوە بە گروپێک و شەربەتی جیاوازیش دراوە بە گروپێکی دیکە، دواتر سەلمێنراوە، رێژەی کۆلیسترۆل لە گروپی یەکەم بە رێژەی 4% دابەزیووە.

The Sun