حکوومەتی فینلاند هێزەکانی لە عێراق بۆ هەرێمی کوردستان دەگوازێتەوە

K24 – هه‌ولێر:

حکوومەتی فینلاند کۆتایی بە ئەرکی هێزەکانیان لە عێراق دەهێنێت و بۆ هەرێمی کوردستان دەیانگوازێتەوە.

پێگەی یوتیسیتی فینلاندی بڵاویکردەوە کە سوپای وڵاتەکەیان ساڵی 2020 کۆتایی بە ئەرکی هێزەکانیان لە عێراق دەهێنێت و سەرجەمیان بۆ شاری هەولێر دەگوازرێنەوە.

پێگەکە ئاشکراشی کردووە کە هێزەکانی فینلاند کۆتایی بە مەشق و راهێنان بە هێزەکانی عێراق دەهێنن و دوای گواستنەوەیان بۆ شاری هەولێر لە چوارچێوەی هاوپەیمانی نێودەوڵەتی دژی داعش درێژە بە ئەرکەکانیان بۆ مەشق و راهێنان بە هێزەکان دەدەن.

هێزەکانی فینلاند لە عێراق ژمارەیان نزیکەی 80 سەربازە و ئەرکیان مەشق و راهێنانە بە هێزەکانی عێراق.

H.J