كات و شوێنی بەخاكسپاردنی تەرمی قاسم سولەیمانی ئاشكرا كرا
لە شوێنی له دایکبوونی بەخاكدەسپێردرێت
K24 - ھەولێر
سوپای پاسداران وردهکاری پێشوازی و بهڕێکردنی تهرمی قاسم سولەیمانی بڵاو كردەوە و رایدەگەیەنێت، کە رۆژی سێشەممە تەرمەکەی لە شاری کرمان بەخاكدەسپێردرێت.
له راگهیەندراوێکی سوپای پاسدارانی ئێران ئاشكرای كرد، تهرمی قاسم سولەیمانی و هاوسهنگهرهکانی رۆژی یهکشهممه له شاری مهشههد بهڕێوه دهچێت. ههروهها رۆژی دووشهممهش له شاری تاران پێشوازی له تهرمەكەی دەکرێت و رۆژی سێشهممهش له شاری کرمان وهک شوێنی لهدایکبوونی، تهرمی قاسم سولەیمانی به خاکدهسپێردرێت.
قاسم سولەیمانی، فەرمانداری فەیلەقی قودسی سوپای پاسدارانی ئێران، بەرەبەیانی رۆژی ھەینی 3/1/2020 لەگەڵ ئەبومەھدی موھەندیس جێگری سەرۆكی دەستەی حەشدی شەعبی و ژمارەیەك بەرپرس و چەكداری دیكەی ئێران و حەشد لەلایەن فڕۆكەكانی ئەمەریكاوە لە نزیك فڕۆكەخانەی بەغدا كرانە ئامانج و كوژران.
ھ.م