سەرۆکی رووسیا و راوێژکاری ئەڵمانیا کۆدەبنەوە

K24 – هه‌ولێر:

بڕیارە رۆژی شەممەی داهاتوو، ڤلادیمێر پوتن، سەرۆکی رووسیا و ئانگێڵا مێرکڵ، راوێژکاری ئەڵمانیا لە مۆسکۆ، بۆ تاوتوێکردنی دۆخی رۆژهەڵاتی ناوەڕاست لەدوای کوژرانی قاسم سولەیمانی کۆببنەوە.

لەدوای کوژرانی فەرماندەی پێشووی فەیلەقی قودس تەواوی سەرکردەکانی جیهان داوای دانبەخۆداگرتن لە ئەمریکا و ئێران دەکەن و کۆبوونەوەی پوتن و مێرکڵیش لە چوارچێوەی هەوڵەکانیانە بۆ کەمکردنەوەی گرژییەکانی رۆژهەڵاتی ناوەڕاست.

پێشتریش، بەریتانیا، ئەڵمانیا و فەرەنسا راگەیەندراوێکی هاوبەشیان بڵاوکردبووەوە و داوای هێورکردنەوەی دۆخەکەیان کردبوو.

DW