سوپای ئەمەریکا نمایشی فڕۆکەی ئێف- 35 دەکات

K24 – هه‌ولێر:

سوپای ئەمەریکا نمایشێکی سەربازی بە 52 فڕۆکەی ئێف-35 ئەی کرد کە بەهاکەیان چوار ملیار و 200 ملیۆن دۆلارە.

نمایشەکە لە بنکەی سەربازیی ئەمەریکا لە ویلایەتی یوتا ئەنجامدرا و لە کاتێکدایە، ئەمەریکا و ئێران هەڕەشەی هێرشکردنە سەر یەکتر دەکەن.

لە دوای نمایشکە، بنکە ئاسمانییەکەی ئەمەریکا لە راگەیەندراوێکدا نووسیویەتی: "فڕۆکەکانمان ئامادەی فڕینن، ئامادەی جەنگن، ئامادەی بردنەوەن".

فڕۆکەی ئێف 35

فڕۆکەکە سێ جۆری هەیە کە نرخەکەیان لە نێوان 89 ملیۆن دۆلار بۆ 107 ملیۆن دۆلارە.

خێرایی ئێف- 35 هەزار و 200 میلە لە هەر کاتژمێرێکدا، یەکەم فڕۆکەی جەنگی سوپەر سۆنیکە و رادارەکان توانای دەستنیشانکردنی شوێنەکەیان نییە.

دەتوانێت مووشەکی ئاسمانیی و ئاسمانی بۆ زەوی هەڵبگرێت. هەروەها دەتوانێت، شەش بۆمبی 910 کیلۆگرامی لەگەڵ خۆی هەڵبگرێت.