سبەی حکوومەتی هەرێمی کوردستان کۆدەبێتەوە

K24 – هه‌ولێر:

سبەی چوارشەممە 2020/1/8 ئەنجومەنی وەزیرانی هەرێمی کوردستان بە سەرپەرشتی مەسرور بارزانی سەرۆکی ئەنجومەنی وەزیران و ئامادەبوونی قوباد تاڵەبانی جێگری سەرۆکی ئەنجومەنی وەزیران کۆ دەبێتەوە .

لە کۆبوونەوەکەدا ، گفتوگۆ دەربارەی دوا پێشهات و پەرەسەندنەکانی بارودۆخی عێراق و ناوچەکە دەکرێت.

دوای کوشتنی قاسم سولەیمانی، فەرماندەی پێشووی سوپای قودس و ئەبومەهدی موهەندیس، جێگری سەرۆکی دەستەی حەشدی شەعبی لە لایەن ئەمەریکاوە، دۆخی عێراق و ناوچەکە گرژی تێکەوتووە. هەرێمی کوردستانیش چەند جارێک داوای کردووە، عێراق نەکرێتە مەیدانی جەنگ و رێگا لە ئاڵۆزی زیاتر بگیرێت.