شەپۆلێكی دیكەی بەفر و باران ھەرێمی كوردستان دەگرێتەوە

K24 - ھەولێر

بەگوێرەی پێشبینیەكانی كەشناسی لە سبەینوە شەپۆلێكی بەفروباران ھەرێمی كوردستان دەگرێتەوە.

بەڕێوەبەرایەتی كەشناسی و بومەلەرزەزانی ھەرێمی كوردستان لە راگەیەندراوێكدا ئاشكرای كرد "سبەی ھەرێمی كوردستان دەكەوێتە ژێر كاریگەری بەرزە پاڵەپەستۆی سێیری، لە كاتەكانی بەیانی رۆژی دووشەممە بارانبارین دەست پێدەكات، لە سنووری پارێزگای سلێمانی و سنووری پارێزگای ھەولێر بارانی زیاتر دەبێت، بەفربارین لە زۆربەی ناوچە شاخاوییەكان دەبێت، كاریگەری ئەم شەپۆلە تەنھا رۆژی دووشەممە دەبێت".