دواین زانیاری لەبارەی رووداوێکی هاتووچۆ لە کەلار

K24 – هه‌ولێر:

علی جەمال قدووری، وتەبێژی پۆلیسی گەرمیان بڵاویکردەوە، نیوەڕۆی ئەمڕۆ پێنج شەمە لەناحیەی باوەنور رووداوێکی هاتووچۆ لە نێوان چوار ئۆتۆمبێل لەجۆرەکانی دوو ئاڵتیما، تەنکەرێکی سوتەمەنی و پاسێک روویدا.

عەلی جەمال قدووری دەڵێت: "لە ئەنجامدا خوێندکارێک کەسەرنشینی پاسەکەبوو بەناوی محەمەد جەبار عبدولقادر لەدایکبووی 2003 دانیشتووی گوندی زەماوەنگە گیانی لەدەستداو چواردە کەسی دیکەش برینداربوون".

دەشڵێت: "لە ئێستادا چارەسەری پێویست لە نەخۆشخانەی ناحیەی باوەنوور بۆ بریندارەکان کراوە و پێنج لەبریندارەکان بەهۆی سەختی برینەکانیانەوە رەوانەی نەخۆشخانەی سلێمانی کراون".

H.J