ئەمساڵ رێوڕەسمی یادکردنەوەی کۆچی دوایی و لەدایکبوونی بارزانی نەمر بەڕێوەناچێت
بارەگای بارزانی: تەندروستی هاووڵاتیان لە هەموو شتێک گرنگترە
K24 – ههولێر:
بەهۆی مەترسی بڵاوبوونەوەی ڤایرۆسی کۆرۆنا، بارەگای بارزانی بڵاویکردەوە، ئەمساڵ رێوڕەسمی جەماوەریی یادەكانی وەفات و لەدایكبوونی جەنابی بارزانیی نەمر ئەنجام نەدرێت.
دەقی راگەیەندراوەکەی بارەگای بارزانی:
بەهۆی ئەو بارودۆخە تایبەتەی لەدوای بڵاوبوونەوەی ڤایرۆسی كۆرۆنا لە ناوچەكە و وڵاتانی دەوروبەری عێراق و هەندێ شوێنی جیهان هاتووەتە ئاراوە، لە پێناو پاراستنی تەندروستی گشتیی خەڵك، پێمان باشە كە ئەمساڵ ڕێوڕەسمی جەماوەریی یادەكانی وەفات و لەدایكبوونی جەنابی بارزانی نەمر ئەنجام نەدرێت.
وێڕای سوپاسگوزاریمان بۆ هەست و سۆزی جەماوەری خۆشەویستی كوردستان بەڵام تەندروستیی هاووڵاتیان لە هەموو شتێك گرنگترە.