مێركڵ كەرەنتینەی جێھێشت

K24 - ھەولێر

دوای چەند رۆژێك مانەوەی لە كەرەنتینە و ئەنجامدانی پشكنینی ڤایرۆسی كۆرۆنا. ئه‌نگێلا مێركڵ، راوێژكاری ئه‌ڵمانیا كەرەنتینەی جێھێشت و گەڕایەوە سەر كارەكەی.

ستیفن سیبێرت، گوته‌بێژی حكوومه‌تی ئه‌ڵمانیا له‌ لێدوانێكی رۆژنامەوانیدا ئاشكراو كرد، كه‌ مێركڵ ماوه‌ی كه‌ره‌نتینه‌ی كۆتاییهاتووه‌ و ده‌ستی به‌ كاركردووه‌ته‌وه‌.

ئاماژەی بەوەشكرد، سێ پشكنینی كۆرۆنا بۆ مێركڵ كراوه‌ و هه‌مووی نێگه‌تیڤ ده‌رچووه‌.

لە 19ی مانگی رابردوو پشكنین بۆ ئه‌نگێلا مێركڵ كرا و  دوو رۆژ دواتر لە 22/3/2020 مێركڵ خۆی كەرەنتینە كرد. دوا پشكنین كە بۆی كراوە نێگەتیڤ دەرچووە.