لێدوانێکی مۆسکۆ نرخی نەوتی بەرزکردەوە

K24 – هه‌ولێر:

ئەمڕۆ پێنجشەممە، نرخی نەوت لە بازاڕەکانی جیهان بەرزبووەوە، ئەمەش دوای ئەوەی رووسیا رایگەیاند، ئامادەیە بەرهەمەمهێنانی نەوت کەم بکاتەوە.

نرخی نەوتی برێنت بە رێژەی 0.7% بەرزبووەوە و نرخی یەک بەرمیل بۆ 33 دۆلار و حەوت سەنت بەرزبووەوە.

بڕیارە ئەمڕۆ، لە رێگای تێلیکۆنفرانس، گروپی ئۆپیک، بۆ جێگیرکردنی نرخی نەوت کۆببنەوە و ئەمەش هیوایەکی داوە بە وڵاتانی بەرهەمهێنەری نەوت کە نرخی نەوت بەرزببێتەوە.

دوێنێ چوارشەمممە مۆسکۆ رایگەیاند، ئامادەیە یەک ملیۆن و 600 هەزار بەرمیل نەوت کەمبکاتەوە، کە ئەمەش 15%ی کۆی بەرهەمی رۆژانەی رووسیایە.

AFP