چین هاوكاریی پزیشكی زیاتری گەیاندە ئەوروپا

K24- هەولێر:

لە بەردەوامی هاوكارییەكانی چین بۆ ئەو وڵاتانەی ئەوروپا كە پەتای كۆرۆنا باڵی بەسەردا كێشاون، جارێکی دیکە فڕۆکەیەکی کارگۆی چینی 113 تۆن کەلوپەلی پزیشکی و خۆپارێزی لە ڤایرۆسی كۆرۆنای گەیاندە مەدریدی پایتەختی ئیسپانیا.

تەنیا لە 10 رۆژی رابردوودا حکومەتی ئیسپانیا 253 تۆن دەرمان و پێداویستی خۆپارێزی لە دەرەوە وەرگرتووە.

لە ئیسپانیا نزیکەی 17 ھەزار کەس بە کۆرۆنا گیانیان لەدەستداوە و زیاتر لە 166 ھەزار حاڵەتی تووشبوونیش بە پەتاكە تۆماركراون.

لە سەرەتای بڵاوبوونەوەی ڤایرۆسی کۆرۆنا یەکێتی ئەوروپا دەرگای هاوكاری بەسەر ئیتاڵیا، ئیسپانیا و ئەڵمانیادا داخست. چین و روسیا ھاوکاری تەندروستیان بۆ ناردن.

H.B