ژیان

بەهۆی باسکردنی جینۆسایدی ئەرمەنییەکان بە ئۆتۆمبێلەکەی "کارداشیان" دەکات بەژێرەوە

پیاوێک لە تورکیا "تۆڵە" لە کیم کارداشیان دەکاتەوە

جیهان

K24 – هه‌ولێر:

کیم کارداشیان، کەسایەتیی تەلەڤزیۆنی ئەمەریکا بە بەکارهێنانی ووشەی جینۆساید بۆ کۆمەڵکوژی ئەرمەنییەکان، لە تۆڕە کۆمەڵایەتییەکانی تورکیا هێرشێکی زۆری دەکرێتە سەر.

لە 24ـی ئەم مانگە، کارداشیان لە تویتێکدا نووسیویەتی، یادی 105 ساڵەی جینۆسایدکردنی ئەرمەنییەکان دەکەمەوە و زۆر شانازیش بەوەوە دەکەم کە ئەمەریکا دانی ناوە بەو جینۆسایدە.

لە تویتەکەی هاتووە، هەندێک هۆنراوەی نەوەی ئەو کەسانەی جینۆسایدکران، لەگەڵ ئێوە بەش دەکەم.

جیا لەوەش، کارداشیان لە پۆستێکی دیکەیدا، دەڵێت، کۆلێرە بە گۆشت، لحم بلعجین، خواردنێکی ئەرمەنییە، ئەمەش دیسان تورکەکانی تووڕە کردووە چونکە دەڵێن ئەو خواردنە، تورکییە.

ئەرمەنییەکان دەڵێن، لە ساڵانی 1915 بۆ 1917، لەگەڵ نزیکبوونەوەی رووخانی ئیمپراتۆریەتی عوسمانی، تورکەکان یەک ملیۆن و 500 هەزار ئەرمەنییان کۆمەڵکوژ کردووە، تورکیاش دەڵێت، 300 بۆ 500 هەزار ئەرمەنی بەهۆی جەنگ کوژراون چونکە ئەرمەنەکان لەگەڵ رووسیا دژی عوسمانییەکان جەنگاون.

کیم کارداشیان ئەگەرچی خۆی لە ئەمەریکا دەژی، بەڵام بە رەچەڵەک ئەرمەنییە و باپیر و داپیرانی لە ئەرمەنیا ژیاون.

هەرێم جەعفەر ,