نرخی نەوت دابەزی

K24 – هه‌ولێر:

بەهۆی کەمبوونەوەی خواستی کڕین و دروستبوونی نیگەرانی، نرخی نەوت دابەزی.

ئاژانسی رۆیتەرز بڵاویکردەوە، نرخی یەک بەرمیل نەوتی تێکساس، بۆ 18 دۆلار و 64 سەنت دابەزی، هەروەها نرخی یەک بەرمیل نەوتی برێنت، 26 دۆلار و 20 سەنتە.

میکایل ماککارسی، بەرپرسی مارکێتی CMC بە رۆیتەرزی راگەیاند، جیا لە کەمبوونەوەی خواست، بەرزبوونەوەی نرخی دۆلاریش کاریگەری لەسەر نرخی نەوت هەیە.